- 634 -

1435. Juni 1. Liegnitz.

Stadtrichter und Schoppen bestätigen die Abtretung eines auf der Stadt haftenden Zinses durch den breslauer Bürger Caspar Ungeroten an Niclas Poppelaw.

Ich Hannos Gregor richter zu Legnicz von der stat wegin vnd wir scheppin doselbist Gregor Tesschener, Vecencz Schulcz, Niclas Son, Niclas Heseler, Petir Emerich, Matis Kochenschriber vnd Hannos Dresler bekennen, das vor vns in gehegtim dinge Gregor Tesschener egenanter in macht Caspar Ungerotens zu Breslaw dy her vor vns beweisete, weisete eynen scheppin briff mit vnsern ingesigeln vorsigilt sulichis lowtis, das der gnante Caspar Ungeroten hette sechs marg vnd virczen groschin geldis jerlichis vnd ewigis czinses off den hernoch geschrebin erbin vnd gertin vorm Haynowisschin thore gelegin, nemlich off Niclasen Hubeners erbe vnd gartin achtvndczwenczig grosschin, vff Nickel Pisschers erbe vnd gartin eyn halb schog, vff Caspar Stellemechers gartin vnd erbe eyn schog vnd eynen grosschin, vff Petir Monstirbergers erbe vnd gartin drey Schillinge vnd dry grosschin, vff Niclasen Krawsen erbe vnd gartin eyrte halbe marg, vff Mertin Gruczeners erbe vnd garte eyn halbe marg, vff Niclasen Czopphen erbe vnd garten eyn halb schog vnd czwene grosschin, vff Petir Hildebrands erbe vnd gartin eyn schog vnd vir grosschin, dy em in der sonderunge noch tode eyns vatirs wurdin weren. Der selbin sechs marg vnd virczen grosschin ewiger czinse trat her abe in seyner macht Niclase Poppelaw, domite zutun vnd zulosen vnd noch syme tode seynen nestin vnd gab en dy vff mit allim rechtin vnd in allir mase, als sy der genante Caspar hat gehabit noch des aldin briues lowte. Des zu bekentnisse habin wir desin briff gegebin dorobir, vorsigilt mit vnsern ingesigiln, das ist gescheen in deme dinge an der mittewochen vor Pfingsten, noch gotis gebort tausund virhundirt im vumffvnddreysigistin jare.

O. d. St. L. No. 352. Beide Siegel an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866